বিহাৰত নাও দু*ৰ্ঘ*ট*না*গ্ৰ*স্ত

Published Date: 14 October, 2026

বিহাৰত নাও দুৰ্ঘটনাগ্ৰস্ত

'আমাৰ অসম'ৰ ডিজিটেল ডেস্ক ১৪ নৱেম্বৰঃ বিহাৰৰ বৈশালীৰ গংগা নদীত ভয়ংকৰ নাও দুৰ্ঘটনা। ১৫ বছৰৰ তলৰ ১৪টা শিশুসহ কমেও ১৪জন লোক নিহত। বিহাৰৰ বৈশালী জিলাৰ ৰামপুৰ শ্যামচন্দ গাঁৱৰ সমীপৰ গংগা নদীত যাত্ৰী কঢ়িয়াই নিয়া এখন নাও বাগৰি পৰাৰ ফলত কমেও ১৪জন লোকৰ মৃত্যু হৈছে। উল্লেখযোগ্য যে নিহত সকলৰ অধিকাংশই শিশু বুলি জানিব পৰা গৈছে। আনহাতে এই শোকাৱহ দুৰ্ঘটনাত বহু মহিলাৰ লগতে শিশুৰ মৃত্যু হোৱা বুলিও আশংকা কৰা হৈছে।

উল্লেখ্য যে ৰাঘোপুৰৰ বিধায়ক তথা ৰাষ্ট্ৰীয় জনতা দলৰ (RJD) নেতা তেজস্বী যাদৱে প্ৰকাশ কৰা শেহতীয়া তথ্য অনুসৰি, ছজন লোকক চিকিৎসালয়ত ভৰ্তি কৰোৱা হৈছে আৰু আন তিনিগৰাকী সুকলমে উদ্ধাৰ। উল্লেখ্য যে ৰাঘোপুৰ আৰক্ষী থানাৰ অন্তৰ্গত অঞ্চলত সংঘটিত হয় এই দু*ৰ্ঘ*ট*না। তদুপৰি এই শোকাৱহ ঘটনাত প্ৰাণ হেৰুওৱা লোকসকলৰ পৰিয়াললৈ সমবেদনা জ্ঞাপন কৰিছে বিহাৰৰ মুখ্যমন্ত্ৰী সম্ৰাট চৌধুৰীয়ে। লগতে নিহত প্ৰতিগৰাকী লোকৰ পৰিয়াললৈ ৪ লাখ টকাকৈ আৰ্থিক সাহায্য প্ৰদানৰ কথা ঘোষণা কৰিছে।